Today is Wednesday 2022 Jan 19
சென்னை தலைமைச் செயலகம், பெண் காவலர் மரணம், மரம், மழை, Chennai General Secretariat, female Police death , tree, rain
பதிவு: 2021-11-02 11:43:38

கனமழையின் காரணமாக தலைமைச் செயலகத்தில் வேரோடு பெரிய மரம் சாய்ந்தது. இதில் பெண் காவலர் ஒருவர் தலை நசுங்கி உயிரிழந்தார்.

சென்னையில் நேற்று இரவு முதல் மழை பெய்து வருகிறது. இன்று காலை முதல் கனமழையாக கொட்டி தீர்த்தது. இதன் காரணமாக பள்ளிகளுக்கும், கல்லூரிகளுக்கும் சென்னையில் விடுமுறை அளிக்கப்பட்டுள்ளது.

இந்தநிலையில், சென்னை தலைமைச் செயலகத்தில், பெரிய மரம் ஒன்று வேரோடு சாய்ந்து, விழுந்ததில் பெண் காவலர் கவிதா தலை நசுங்கி பலியானார். வாகனங்கள் நிறுத்தம் இடத்தில் நின்ற பெரிய மரம், முறிந்து விழுந்ததில் சில காவலர்களும் காயமடைந்தனர். அவர்கள் உடனடியாக மருத்துவமனையில் அனுமதிக்கப்பட்டனர். மேலும் கார்களும் சேதமடைந்தது.

தகவல் அறிந்து தலைமைச் செயலாளர் இறையன்பு, டிஜிபி சைலேந்திர பாபு ஆகியோர் சம்பவ இடத்துக்கு வந்து மீட்பு பணியை பார்வையிட்டனர். இதனிடையே, உயிரிழந்த காவலர் கவிதாவின் குடும்பத்துக்கு ரூ.10 லட்சம் நிதியுதவி அறிவித்துள்ளார் முதல்வர் மு.க.ஸ்டாலின். மேலும் கவிதாவின் குடும்பத்தினருக்கு ஆழ்ந்த இரங்கலை தெரிவித்துள்ளார்.

தமிழகத்தில் பருவமழை தீவிரமடைந்துள்ள நிலையில், மாநிலத்தில் பல்வேறு பகுதிகளில் கனமழை பெய்து வருகிறது. தொடர்மழை காரணமாக பெரம்பலூர், திருவண்ணாமலை, அரியலூர், விழுப்புரம், கடலூர், செங்கல்பட்டு, மயிலாடுதுறை ஆகிய மாவட்டங்களில் பள்ளிகளுக்கு விடுமுறை அறிவிக்கப்பட்டுள்ளது. அதே போல, கொடைக்கானலிலும் கனமழை காரணமாக பள்ளிகளுக்கு விடுறை அளிக்கப்பட்டுள்ளது.

அதிகம் வாசிக்கப்பட்டவை
ஆசிரியரின் தேர்வுகள்...